[ دردشة بخصوص الشعر ]

[وسن]

السلام عليكم ورحمة الله وبركاته

مسآءكم دافئ

لنجعل لنا ركنا هنا i! ..


نثرثر كلنا لكن لا نخرج عن موضوع الشعر



كل منا تتمنى شعرا جميلا لامعا صحيا

كل واحدة تدخل تعطينا شيئا
فائدة .... معلومة



أو تجيب على الاسئلة العامة
حتى نتبادل الخبرات والمعلومات



الاسئلة العامة :

1#- مانوع شعرك ؟ ناعم ، ملفلف ، أجعد ... إلخ

2#- هل هو طويل أم قصير ؟ مقصوص بطريقة معينة اذكري اسم القصة أو ضعي صورة مقاربة لقصة شعرك ؟

3#- هل هو مصبوغ ؟ مالون الصبغة ؟

4#- اذكري اسم مشغل يعجبك شغلهم في شعرك سواء قص أو تسريحه أو صبغ أو حمامات زيت ؟ اذكري الخدمة التي طلبتيها وجودتها ؟

5#- هل تعتنين بشعرك دائما ؟ إذا كان نعم ؟ ماذا تصنعين ؟ اذكري اسم الزيوت ؟ أو حمامات الزيت أو أي شيء آخر تستخدمينه على شعرك ؟

6#- هل تستخدمين الحناء على شعرك ؟

7#- هل تعانين من مشكلة في شعرك ؟ جفاف ، تساقط ، تجعد ؟ وهل تغلبتي عليها ؟ كيف؟

8#- ما هي تسريحة شعرك في المنزل دائما ؟

9#- ماهي تسريحة شعرك عند الخروج أو الزيارات العادية ؟

10#- هل تكثرين من استخدام الاستشوار أو مكواة السيراميك ؟

11#- هل تحبين تجعيد شعرك ؟ ماذا تستخدمين لتجعيده ؟

12#- إذا كنتي تستخدمين شيئا بعد الاستحمام على شعرك اذكريه ؟

13# واخيرا : إذا كان لديك معلومة فائدة تعليق تفضلي ....

في أمان الله

[وسن]

سأبدأ أنا

1#- مانوع شعرك ؟ ناعم ، ملفلف ، أجعد ... إلخ
ملفلف بس لو مشطته وربطته وهو مبلول يكون ناعم

2#- هل هو طويل أم قصير ؟ مقصوص بطريقة معينة اذكري اسم القصة أو ضعي صورة مقاربة لقصة شعرك ؟
تحت الكتف بس مو طويل مره مدرج شوي مثل هذي الصوره ونفس الطول



3#- هل هو مصبوغ ؟ مالون الصبغة ؟
ما عمري صبغته لونه اسود

4#- اذكري اسم مشغل يعجبك شغلهم في شعرك سواء قص أو تسريحه أو صبغ أو حمامات زيت ؟ اذكري الخدمة التي طلبتيها وجودتها ؟
ما عندي مشغل معين كل مره في مكان حسب اللي يمدحون

5#- هل تعتنين بشعرك دائما ؟ إذا كان نعم ؟ ماذا تصنعين ؟ اذكري اسم الزيوت ؟ أو حمامات الزيت أو أي شيء آخر تستخدمينه على شعرك ؟
مو دايم الحق ينقال حسب الفراغ بس اكثر شيء استخدم زيت الزيتون وزيت السمسم
حمامات الزيت استخدم فاشكول بالثوم

6#- هل تستخدمين الحناء على شعرك ؟
يومني صغيره بس يوم كبرت ماعاد حطيت

7#- هل تعانين من مشكلة في شعرك ؟ جفاف ، تساقط ، تجعد ؟ وهل تغلبتي عليها ؟ كيف؟
تساقط بس مو كثير يتساقط الحمدلله
وعندي مقدمة شعري تتجعد أكثر من باقي الشعر

8#- ما هي تسريحة شعرك في المنزل دائما ؟
دايم فاكته بس إذا دخلت المطبخ ارفعه بشباصه

9#- ماهي تسريحة شعرك عند الخروج أو الزيارات العادية ؟
دايم افكه واحيانا البس طوق وأحيانا اخليه يتلفلف زي الكيرلي بس استشور من قدام

10#- هل تكثرين من استخدام الاستشوار أو مكواة السيراميك ؟
الاستشوار دايم أما مكواة السيراميك اسويها في المشغل

11#- هل تحبين تجعيد شعرك ؟ ماذا تستخدمين لتجعيده ؟
نادرا اجعده دايم استشور
بس إذا جعدته استخدم بديل الزيت بانتين
بس ما يطول التجعيد بسرعة يخرب : (

12#- إذا كنتي تستخدمين شيئا بعد الاستحمام على شعرك اذكريه ؟
احط سيروم قبل الاستشوار فقط

13# واخيرا : إذا كان لديك معلومة فائدة تعليق تفضلي ....
لي عودة

[وسن]

علاقة الشعر بالقمر

القمر.....





والشعر....





كليهما لهم علاقه ببعضهما....

لنرى...

ان المرأة تتأثر هرموناتها جدااا يوم اكتمال القمر (البدر ) ليلة 14 فى الشهر الهجري

وبناء على كذا بيكون الميعاد المناسب لقص شعرها لو هي حابه تقصه ويطول بعدها

على طووول وبسرعة وان هذا سر من اسرار سرعة نمو الشعر بعد قصه وكمان بيخليه

يكون كثيف وغزير اكثر والطريقة الصحيحه هى انك تستنى يومين او ثلاثة مو اكثر

من اكتمال البدر وبعد كذا تقصي شعرك أوتقصي اطرافه وهو بيكون الميعاد المناسب

عشان تضمنى سرعة نمو شعرك بعدها وكمان غزارته

في أمان الله

[ترانيم آسره **..]

رااااااااااااااااااااائع

يستحق الـ



+ مثبت لمدة

* إذا أُثري الموضوع بمعلومات قيّمة كما أتوقع ..
ستطول مدة التثبيت

نتمى نشاهد مشاركات ذات أصداء رنّانة ..

وسن لك كل الشكر ..

[ترانيم آسره **..]

1#- مانوع شعرك ؟ ناعم ، ملفلف ، أجعد ... إلخ
ملفلف بس لو مشطته وربطته وهو مبلول يكون ناعم << ما نسختها أبدا

2#- هل هو طويل أم قصير ؟ مقصوص بطريقة معينة اذكري اسم القصة أو ضعي صورة مقاربة لقصة شعرك ؟

نص الظهر

3#- هل هو مصبوغ ؟ مالون الصبغة ؟

لا طبيعي

4#- اذكري اسم مشغل يعجبك شغلهم في شعرك سواء قص أو تسريحه أو صبغ أو حمامات زيت ؟ اذكري الخدمة التي طلبتيها وجودتها ؟

القص + الويفي عند أرابيل
غيروا اسمهم إلى الجمال العربي ..

5#- هل تعتنين بشعرك دائما ؟ إذا كان نعم ؟ ماذا تصنعين ؟ اذكري اسم الزيوت ؟ أو حمامات الزيت أو أي شيء آخر تستخدمينه على شعرك ؟

مو كثير بس أحب الزيوت ولو إني من زماااان عنها
اممم الزيت اللي قدامي وأفضل زيت عافيه بدون ريحه ولا حاقه ..
فيه خلطة استخدمتها مرة وحدة بس شيييييييييييييييييييييي
بأنزلها برد مستقل إن شاء الله

6#- هل تستخدمين الحناء على شعرك ؟

مرتين في السنة إن كثرت

7#- هل تعانين من مشكلة في شعرك ؟ جفاف ، تساقط ، تجعد ؟ وهل تغلبتي عليها ؟ كيف؟

تقصـــــف

حاولت أعدل أكلي بس ما مشى الوضع
استخدمت سيروم كريستال مرة مرة حلو .. بس وقت ما أستخدمه يعني أبطل يرجع شعري كما هو ..

8#- ما هي تسريحة شعرك في المنزل دائما ؟

رفع قلييييل ربط ، تسريحة السيتينيات اللي ماخذه الكعكع وهالأشياء ..

9#- ماهي تسريحة شعرك عند الخروج أو الزيارات العادية ؟

اممم على حسب مزاجي
< حاولت أتذكر بس من جد من جد مزااجيه

10#- هل تكثرين من استخدام الاستشوار أو مكواة السيراميك ؟

يووووه لو مو أنا وكرزة في استشوار واحد كان غبّر ما استخدمته

11#- هل تحبين تجعيد شعرك ؟ ماذا تستخدمين لتجعيده ؟

مررة أحب
بس تجعيد كذا بمسمى تجعيد مو دايما ..
يعني طبيعي قريب من الكيرلي ..

12#- إذا كنتي تستخدمين شيئا بعد الاستحمام على شعرك اذكريه ؟

سيروم + بخور
لي فترة خلص السيروم


ح ـأكون من رواد الموضوع إن شاء الله

[بحر]

#- مانوع شعرك ؟ ناعم ، ملفلف ، أجعد ... إلخ
يمكن زيكم


2#- هل هو طويل أم قصير ؟ مقصوص بطريقة معينة اذكري اسم القصة أو ضعي صورة مقاربة لقصة شعرك ؟
نص الظهر بس مدرج

3#- هل هو مصبوغ ؟ مالون الصبغة ؟
مو مصبوغ

4#- اذكري اسم مشغل يعجبك شغلهم في شعرك سواء قص أو تسريحه أو صبغ أو حمامات زيت ؟ اذكري الخدمة التي طلبتيها وجودتها ؟
أذكر مشغل دار النطاقين في التعاون تعاملنا معهم كثير
وما جربت مشغل غيره ألا تحسفت

5#- هل تعتنين بشعرك دائما ؟ إذا كان نعم ؟ ماذا تصنعين ؟ اذكري اسم الزيوت ؟ أو حمامات الزيت أو أي شيء آخر تستخدمينه على شعرك ؟
احط زيوت كثيرة مثل زيت الحبة السوداء أو زيت الزيتون اهم شيء طبيعية
واحيانا احط مايونيز << ما احب ريحته ولا احب آكله سبحان الله بس ينفع على شعري يتغير
حمام الزيت استخدم فاشكول بالجرجير

6#- هل تستخدمين الحناء على شعرك ؟
من زمان بعيد يمكن 5 سنوات ما حطيته

7#- هل تعانين من مشكلة في شعرك ؟ جفاف ، تساقط ، تجعد ؟ وهل تغلبتي عليها ؟ كيف؟
جفاف ممكن
كان عندي مشكلة التساقط بعد ولادتي بحمودي بس عالجتها بالغذاء الصحي والحمدلله

8#- ما هي تسريحة شعرك في المنزل دائما ؟
في البيت كل يوم لي مزاج والتسريحه حسب الحال واللبس

9#- ماهي تسريحة شعرك عند الخروج أو الزيارات العادية ؟
الطلعات العادية امسكه بشباصة أو أسوي حركات ببنس من قدام
في المناسبات افكه

10#- هل تكثرين من استخدام الاستشوار أو مكواة السيراميك ؟
نعم الاستشوار فقط

11#- هل تحبين تجعيد شعرك ؟ ماذا تستخدمين لتجعيده ؟
ما احب ولا عندي خبره

12#- إذا كنتي تستخدمين شيئا بعد الاستحمام على شعرك اذكريه ؟
احط كريم صانسيلك على أطراف شعري فقط من تحت وليس من فوق + سيروم على كل الشعر

13# واخيرا : إذا كان لديك معلومة فائدة تعليق تفضلي ....
على طاري الاستشوار عندي معلومة عن استشوار تسكوم

كلنا نعرفه
هو دايم يطفي ويقهر لازم تبردينه وحاله
بس اكتشفت اني لما احطه على 220 ما يطفي ابد بإذن الله << كنت متأزمة وناويه اشتري جديد بس اشوى عرفت له وما شريت جديد

[وسن]

ترانيم آسره

بجد أحرجتيني

_________________________
القص + الويفي عند أرابيل
غيروا اسمهم إلى الجمال العربي ..
___________________________

طيب ممكن كروكي ؟؟إذا مافيه إحراج

____________________
فيه خلطة استخدمتها مرة وحدة بس شيييييييييييييييييييييي
بأنزلها برد مستقل إن شاء الله
___________________

بانتظارك بـ ـشـ ـو ـق

______________
الحناء مرتين في السنة إن كثرت
_____________
فيك بركه والله


____________________
تقصـــــف

حاولت أعدل أكلي بس ما مشى الوضع
استخدمت سيروم كريستال مرة مرة حلو .. بس وقت ما أستخدمه يعني أبطل يرجع شعري كما هو ..
___________________
طيب نستفيد من بحر نسألها لك
وش أكلتي يا بحر لين تغلبتي على تساقط الشعر؟

____________________
يووووه لو مو أنا وكرزة في استشوار واحد كان غبّر ما استخدمته
___________________
ما شاء الله تعرفين تتركينه
طيب كيف يتساقط شعرك
المفروض يكون أحسن منا اللي مقطعينه بالاستشوار

_________________
سيروم + بخور
_______________
واااااااااو البخور مو كويس للشعر
يقولون يعجل بالشيب
بسم الله عليك
تأكدي هل هو البخور ولا المخلط
الله أعلم

[وسن]

بحر
__________
أذكر مشغل دار النطاقين في التعاون تعاملنا معهم كثير
____________
شكرا شكرا

____________
واحيانا احط مايونيز <<
____________
صعبه شوي علي

____________
جفاف ممكن
____________
استعملي زبده في درجه الغرفه العاديه
وبما انك ما تحطين حنا احسن ما تحطينه
لأنه يجفف أكثر

_______________________
احط كريم صانسيلك على أطراف شعري فقط من تحت وليس من فوق + سيروم على كل الشعر
________________________
كريم حلو علشان الجفاف يخف



وشكرا على المعلومه انا استخدم ناشونال وتمام ما يطفى

[بحر]

احم وسن لعلاج تساقط الشعر :

أول شيء الشاااامبو
حاولي تتعرفين على الشامبو المناسب لك
حاولي مايكون استخدامك للشامبو كثير ( مرتين في الاسبوع تكفي)
واغسلي شعرك بأقل كميه تقدرين عليها و مره وحده فقط
لو اضطريتي تتروشين أكثر اكتفي بالماء فقط
أو استخدمي السدر الطبيعي بودره ( الطريقه استخدميه مثل الشامبو بس إذا جيتي تغسلينه لازم يكون معك مشط صغير علشان تتخلصين منه تماما تراه بثر شوي بس بدون ريحه أبد)
وترا أكبر كذبه يقولون شامبو مغذي للشعر << فقاشين أصلا الشعر خلايا ميته ما تتغذى من برا تتغذى من خلايا الدم بس الشامبو بينظفها وينعمها مؤقتا


حطي زيوت طبيعيه وخلي عنك أي شيء كيميائي زيت الزيتون حلو يقوي الشعر ساعتين فقط تكفي


الاستشوار تجنبيه قد ما تقدرين


حاولي انك ما تمشطين شعرك وهو مبلول لأنه بيتقطع
ويستحب تمسكينه بشباصه خفيفه ولا ربطه خفيفه
ولا تشدينه لأن الشد يسبب تساقط


العنصر الغذائي المهم للشعر (( الحديد))
تلاقينه في اللحوم دجاج سمك لحم غنم
والكبدة أكثر شيء
والحديد النباتي موجود في الورقيات الخضراء
خس - بقدونس - جرجير - بصل أخضر


ثم البروتين لأن المكون الأساسي للشعر هو بروتين الكاروتين
تلقين البروتينات في اللحوم والبيض والحليب
وبروتينات ناقصه في البقوليات فول وعدس


فيتامين أ يوجد في الجزر والمانجو والحليب كامل الدسم وصفار البيض والفلفل الرومي


مجموعة فيتامينات (ب) مهمه للجلد والشعر
في الحبوب الكامله مثل البر وبعد في الكبده


اهم شيء ركزي على السلطات أكثر شيء ومنتجات الحليب وخبز البر
هذا ما استفدته من دراستي والحمدلله

[ساكورا الجميلة]

الاسئلة العامة :

1#- مانوع شعرك ؟ ناعم ، ملفلف ، أجعد ... إلخ
وأنا صغيرة ناعم و الحين ملفلف <<<<<<<< يارب يرجع ناعم
2#- هل هو طويل أم قصير ؟ مقصوص بطريقة معينة اذكري اسم القصة أو ضعي صورة مقاربة لقصة شعرك ؟
طويل مدرج من الأطراف
3#- هل هو مصبوغ ؟ مالون الصبغة ؟
ليس مصبوغ
4#- اذكري اسم مشغل يعجبك شغلهم في شعرك سواء قص أو تسريحه أو صبغ أو حمامات زيت ؟ اذكري الخدمة التي طلبتيها وجودتها ؟
مشاغل ما أروح كثير بس آخر مررة أتوقع اسمه بلوم..
5#- هل تعتنين بشعرك دائما ؟ إذا كان نعم ؟ ماذا تصنعين ؟ اذكري اسم الزيوت ؟ أو حمامات الزيت أو أي شيء آخر تستخدمينه على شعرك ؟
أحياناً زيت مع خلطة تسويها خالتي بس ريحتها وععع
6#- هل تستخدمين الحناء على شعرك ؟
من رمان ما استخدمته
7#- هل تعانين من مشكلة في شعرك ؟ جفاف ، تساقط ، تجعد ؟ وهل تغلبتي عليها ؟ كيف؟
تقصف
8#- ما هي تسريحة شعرك في المنزل دائما ؟
مافيه تسريحة محددة بس الغالب رفع أو ربط
9#- ماهي تسريحة شعرك عند الخروج أو الزيارات العادية ؟
على حسب نوع الزيارة
10#- هل تكثرين من استخدام الاستشوار أو مكواة السيراميك ؟
الاستشوار لا استخدمه للمناسبات ، مكواة السيراميك من مدة قريبة اشتريته لم استخدمه أيضأ

11#- هل تحبين تجعيد شعرك ؟ ماذا تستخدمين لتجعيده ؟
لا
12#- إذا كنتي تستخدمين شيئا بعد الاستحمام على شعرك اذكريه ؟
استخدم بعد وضع الشامبو بلسم صانسيلك بالحناء نفس نوع الشامبو، تحسن شعري كثير بعد استخدامه
13# واخيرا : إذا كان لديك معلومة فائدة تعليق تفضلي ....
قريباً سآتي بهاإن شاء الله..


شكرا لهذا الموضوع المميز وسن ومبروك على تميزه